وفاقی وزیر اطلاعات و نشریات فواد چوہدری نے وزیراعظم عمران خان کے دورۂ روس سےمتعلق قیاس آرائیوں کو بےبنیاد قرار دے دیا۔
انہوں نے کہا کہ وزیراعظم کا دورۂ روس جاری ہے اور وہ شیڈول کے مطابق آج رات وطن واپس پہنچیں گے۔
سوشل میڈیا پر جاری اپنے بیان میں وفاقی وزیر نے کہا کہ نون لیگ پیپلز پارٹی اور کچھ میڈیا والے وزیر اعظم کے روس کے دورے سے ایسے خوفزدہ ہیں کہ کسی نے ان کے جسم سے خون نکال لیا ہو۔
Speculations about PM @ImranKhanPTI visit are misplaced. The Visit is proceeding and PM will return to Pakistan tonight as per schedule
— Ch Fawad Hussain (@fawadchaudhry) February 24, 2022
انہوں نے کہا کہ مسئلہ صرف اتنا ہے کہ بھائیوں کا اتنا پیسہ مغرب میں ہے کہ سانس رکی ہوئی ہے، فکر نہ کریں پاکستان کا مفاد تحریک انصاف کی سپریم پالیسی ہے اور رہے گا۔
واضح رہے کہ وزیرِ اعظم عمران خان روسی صدر ولادیمیر پیوٹن کی خصوصی دعوت پر 2 روزہ تاریخی سرکاری دورے پر گزشتہ روز روس پہنچے ہیں۔
ماسکو ایئر پورٹ پر وزیرِ اعظم کا استقبال روس کے ڈپٹی وزیرِ خارجہ نے کیا، اس موقع پر پاکستان کا قومی ترانہ بھی بجایا گیا۔
نون لیگ پیپلز پارٹی اور کچھ میڈیا والے وزیر اعظم کے روس کے دورے سے ایسے خوفزدہ ہیں کہ کسی نے ان کے جسم سے خون نکال لیا ہو مسئلہ صرف اتنا ہے کہ بھائیوں کا اتنا پیسہ مغرب میں ہے کہ سانس رکی ہوئ ہے فکر نہ کریں پاکستان کا مفاد تحریک انصاف کی سپریم پالیسی ہے اور رہے گا
— Ch Fawad Hussain (@fawadchaudhry) February 24, 2022
