دنیا

حماس رہنما صالح العروری کی شہادت، ایران کا بیان سامنے آگیا

لبنان میں اسرائیلی حملے میں حماس رہنما صالح العروری کی شہادت پر ایران نے کہا ہے کہ حماس رہنماء کی شہادت سے اسرائیل کے خلاف مزاحمت میں مزید اضافہ ہوگا۔

غیر ملکی ذرائع ابلاغ کے مطابق ترجمان ایرانی وزارت خارجہ نے اس حوالے سے کہا ہے کہ اسرائیلی حملہ لبنان کی خود مختاری کی خلاف ورزی ہے۔ فلسطینی تحریک میں حماس رہنما کے قتل کے بعد نئی جہت پیدا ہوگی۔

حملے کی مذمت کرتے ہوئے لبنان کے وزیراعظم نجیب میقاتی کا کہنا تھا کہ اسرائیل غزہ میں ناکامی کے بعد لبنان کو محاذ آرائی کے نئے مرحلے میں لے جانا چاہتا ہے۔

واضح رہے کہ لبنان میں اسرائیل کی جانب سے کیے گئے حملے میں فلسطینی مزاحمتی تنظیم حماس کے سینئر رہنما صالح العروری شہید ہو گئے۔

اسرائیل اور حماس نے اس حوالے سے تصدیق کی کہ لبنان کے دارالحکومت بیروت میں زوردار دھماکا ہوا جس کے نتیجے میں صالح العروری شہید ہوئے۔

سوشل میڈیا پر گردش کرتی فوٹیج میں دیکھا جا سکتا ہے کہ دھماکے میں متعدد گاڑیاں تباہ ہوئیں جبکہ لوگوں کی بڑی تعداد جائے وقوعہ پر موجود ہے۔

حماس کے مطابق صالح العروری کے علاوہ قسام بریگیڈ کے دو کمانڈرز بھی شہید ہوئے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button