تازہ تریندنیا

سعودی ولی عہد کا بڑا اعلان

سعودی ولی عہد شہزادہ محمد بن سلمان کی جانب سے مملکت میں سرمایہ کاری کے لئے بڑا اعلان کر دیا گیا، سعودی ولی عہد نے مقامی اور بین الاقوامی ہائی ٹیک کمپنیوں میں ابتدائی سرمایہ کاری کیلیے 750 ملین ریال کا فنڈ شروع کرنے کا فیصلہ کیا ہے۔

بین الاقوامی خبر رساں ادارے کی رپورٹ کے مطابق نئی حکمت عملی کا مقصد ریسرچ اور سائنس کی منافع بخش ایجادات میں تبدیلی ہے، اس کے تحت ریسرچ، تجدید اور اختراع سے انسانی صحت ماحولیاتی پائیداری، تجدد پذیر توانائی اور فیوچر اکانومی جیسی قومی ترجیحات پر توجہ مرکوز کی جائے گی۔

علاوہ ازیں پرائیویٹ سیکٹر کے ساتھ شراکت بڑھائی جائے گی تاکہ سعودی وژن 2030 کے اہداف کے حصول میں مدد ملے، منافع بخش ملکی اور بین الاقوامی شراکت کو مستحکم کیا جائے گا۔

سعودی ولی عہد کا کہنا ہے کہ ’نئی حکمت عملی سے یونیورسٹی کا نیا عہد شروع ہوگا‘۔ کاوسٹ پوری دنیا میں ریسرچ یونیورسٹیوں میں سے ایک مثال بن چکی ہے‘۔ ’کاوسٹ اپنے قیام کے روز اول سے ریسرچ، ایجادات اور شاندار استعداد کے حوالے سے منفرد ہے۔

نئی حکمت عملی کے تحت اقتصادی منفعت والی ایجادات تک رسائی دینے والی ریسرچ پر توجہ مرکوز ہوگی۔ یہ تین بڑے اقدامات پر مشتمل ہے۔

تحقیق، ترقی،نیشنل ٹرانسفارمیشن انسٹی ٹیوٹ فار اپلائی ریسرچ (این ٹی آئی) کا قیام، اور اختراع کے لیے قومی ترجیحات کے مطابق یونیورسٹی میں ریسرچ اداروں کی تنظیم نو اور ڈیپ ٹیکنیکل انویشین فنڈ کا قیام شامل ہے۔

نئی حکمت عملی کے تحت چینی شہر شین زن میں بڑی کمپنیوں کے ساتھ سٹراٹیجک تعاون کے معاہدے ہوں گے۔

سو ہیکٹر کے رقبے پر بحیرہ احمر کے شوشہ جزیرے میں لاکھوں مونگوں کی بازآباد کاری اور پیداوار پر کام کیا جائے گا۔ اہم اقدامات میں نیوم کے ساتھ مونگوں کی بستیوں کے احیا سے متعلق کاوسٹ اقدام بھی ہے۔

اس اقدام سے معیاری تکنیکی ملازمتیں نکالنے میں مدد ملے گی اور معاشی تنوع کو فروغ ملے گا۔ بجٹ کا تخمینہ 750 ملین ریال کا ہے۔ فنڈ کا مقصد آئی ٹی میں ماہر مقامی اور بین الاقوامی کمپنیوں میں ابتدائی سرمایہ کاری ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button