کوئی نہیں چاہتا ملک انتخاب سے دو قدم آگے انقلاب کی طرف جائے

سابق وزیر داخلہ شیخ رشید نے کہا ہے کہ آج کا دن بھاری نہیں ہوا تو اسی ہفتے الیکشن کی تاریخ کا اعلان ہو جائے گا۔

شیخ رشید نے دعویٰ کیا ہے کہ الیکشن کی تاریخ پر کام ہو رہا ہے الیکشن ستمبر میں ہوں گے کل کا دن بھاری نہیں ہوا تو اسی ہفتے الیکشن کی تاریخ کا اعلان ہو جائے گا۔

انہوں نے کہا کہ تمام اسٹیک ہولڈرز کی رائے ہےکہ نئے انتخابات کرائےجائیں آصف زرداری کےعلاوہ تمام پارٹیاں الیکشن کےلئےراضی ہیں آصف زرداری کسی قیمت پرالیکشن نہیں چاہتے۔

سربراہ عوامی مسلم لیگ نے کہا کہ اسلام آباد میں تیزی سے نئے وزیراعظم کے ناموں پر غور جاری ہے نگراں وزیراعظم کےلئےمعاشی ماہرین کےناموں پر غور ہو رہا ہے سب کسی معاشی ماہرکووزیراعظم لانےکیلئےمحنت کر رہے ہیں شہبازشریف تمام اسٹیک ہولڈرز کی رائے لندن لےکرگئےتھے۔

شیخ رشید نے واضح کیا کہ عمران خان رابطہ نہیں کر رہے تو مطلب یہ نہیں کہ پی ٹی آئی رابطےمیں نہیں عمران خان کو فوری الیکشن کی تاریخ چاہیےبس یہ ضدہے پرسوں صورتحال بالکل واضح ہوجائےگی غیرملکی قوتیں بھی اب فوری الیکشن چاہتی ہیں کوئی نہیں چاہتاملک انتخاب سےدوقدم آگےانقلاب کی طرف جائے۔