خبریںپاکستان سے

رانا ثناء اللہ کو کیمپ جیل سے رہا کر دیا گیا

ویب ڈیسک: منشیات برآمدگی کیس میں گرفتار مسلم لیگ ن کے رہنما اور پنجاب کے سابق وزیر قانون رانا ثناء اللہ کو ضمانت پر کیمپ جیل سے رہا کر دیا گیا۔
لاہور ہائیکورٹ نے دو روز قبل رانا ثناء اللہ کی درخواست ضمانت منظور کی تھی جس کا تحریری فیصلہ بھی آج جاری کر دیا گیا ہے۔
عدالت کی جانب سے رانا ثناء اللہ کو 10، 10 لاکھ روپے کے دو مچلکے جمع کرانے کا حکم دیا گیا تھا۔
رانا ثناء اللہ کی جانب سے مچلکے جمع ہونے کے بعد لیگی رہنما کو لاہور کی کیمپ جیل سے رہا کر دیا گیا ہے۔ اس موقع پر لیگی کارکنان کی بڑی تعداد رانا ثنا اللہ کے استقبال کے لیے پہنچی۔
گزشتہ روز وزیر مملکت برائے انسداد منشیات شہریار آفریدی نے اسلام آباد میں پریس کانفرنس کرتے ہوئے ایک بار پھر دعویٰ کیا تھا کہ رانا ثناء اللہ کے خلاف ٹھوس شواہد موجود ہیں جو اپنی آنکھوں سے دیکھے ہیں۔
شہریار آفریدی کا یہ بھی کہنا تھا کہ عدالت کی جانب سے رانا ثناء اللہ کی ضمانت پر رہائی کے فیصلے کو تسلیم کرتے ہیں لیکن رانا ثناء اللہ کے کیس کو منطقی انجام تک پہنچائیں گے۔

Leave a Reply

Back to top button