نشے میں اوور ڈوز ہو کر مرنے والی لڑکی کو جناح اسپتال چھوڑ کر لڑکا لڑکی فرار

کراچی جناح اسپتال میں کار سوار لڑکا لڑکی 18 سالہ لڑکی کی لاش چھوڑ کر فرار ہوگئے، ڈاکٹرز کا کہنا ہے ابتدائی طور پر موت نشے کے اوور ڈوز کی وجہ سے ہوئی ہے۔

پولیس حکام کے مطابق 18 سالہ لڑکی عائشہ کو کچھ دیر قبل شیری نامی لڑکی اور جبران نامی لڑکا اسپتال لے کر پہنچے تھے جہاں ایمرجنسی میں ڈاکٹرز کو بتایا گیا کہ اس کی طبیعت خراب ہے معائنہ کر لیں لیکن چیک کرنے پر پتہ چلا کہ لڑکی مرچکی تھی۔

پولیس نے بتایا کہ ابتدائی معائنے میں ایسا بھی لگ رہا ہے کہ لڑکی انتہائی نشے میں تھی لڑکی کے بارے میں موت کا سنتے ہیں دونوں لڑکا لڑکی اسپتال سے بھاگ گئے بظاہر لگتا ہے ان کے ہمراہ تیسرا بھی کوئی شخص موجود تھا جو گاڑی چلا رہا تھا۔

پولیس حکام کے مطابق لڑکی کو پنجاب چورنگی سے ڈیفنس موڑ جاتے ہوئے نامعلوم بنگلے سے لایا گیا تھا اور ابتدائی تفتیش کے مطابق لڑکی کی موت ڈانس پارٹی کے دوران نشے میں اوور ڈوز ہونے کی وجہ سے ہوئی، پولیس کے مطابق میڈیکل ہونے کے بعد مزید تفصیلات سامنے آ سکیں گی۔