خبریںپاکستان سے

سالِ نو کا تحفہ، پٹرول مہنگا، نئی قیمت 116 روپے 60 پیسے فی لیٹر

ویب ڈیسک: نئے سال پہلے مہینے میں حکومت نے عوام پر پٹرول بم گرادیا، پیڑول کی قیمت میں2روپے61پیسےفی لیٹراضافہ کردیا گیا، پیٹرولیم مصنوعات کی نئی قمیتوں کا اطلاق رات بارہ بجے سے ہوگا۔
تفصیلات کے مطابق حکومت نے عوام کو نئے سال کے آغاز پر مہنگائی کا ٹیکہ لگا دیا، وزارت خزانہ نے پیٹرولیم منصوعات کی قیمتوں میں اضافے کا اعلان کردیا ہے۔
جس کے تحت پیٹرول کی قیمت میں 2روپے61پیسےفی لیٹر اضافہ کیا گیا ہے، اس حوالے سے نوٹیفکیشن بھی جاری کردیا گیا۔
حکم نامے کے مطابق ہائی اسپیڈ ڈیزل کی قیمت میں2روپے25پیسے فی لیٹرمٹی کے تیل کی قیمت میں3روپے10 پیسے فی لیٹر اور لائٹ ڈیزل آئل کی قیمت میں2روپے 8پیسے فی لیٹر اضافہ کیا گیا ہے۔
پیٹرولیم منصوعات کی قیمتوں میں حالیہ اضافے کے بعد پیٹرول کی نئی قیمت116روپے60 فی لیٹر، ہائی اسپیڈ ڈیزل کی فی لیٹر قیمت127 روپے26پیسے، لائٹ ڈیزل کی قیمت84 روپے51پیسے فی لیٹر جبکہ مٹی کے تیل کی قیمت99 روپے45پیسے فی لیٹر ہوگئی ہے، نئی قیمتوں کا اطلاق آج رات بارہ بجے یکم جنوری سے ہوگا۔

Leave a Reply

Back to top button