پی ٹی آئی ضلع میانوالی کے صدر نے وزیرداخلہ رانا ثناللہ، مریم نواز،نوازشریف ، وزیراعظم شہبازشریف کے خلاف مقدمے کی درخواست دائر کردی۔
تفصیلات کے مطابق میانوالی میں وزیرداخلہ رانا ثناللہ، مریم نواز،نوازشریف ، وزیراعظم شہبازشریف اورخواجہ آصف کے خلاف مقدمے کی درخواست دائر کردی
مقدمے کی درخواست پی ٹی آئی ضلع میانوالی کے صدر سلیم گل نے ڈی پی او کو دی ہے۔
جس میں کہا کہ رانا ثناللہ نے ٹی وی پر پاکستان کی عدلیہ کو دھمکیاں دیں ، راناثنااللہ کے بیان سے ججوں میں خوف و ہراس اور دہشت پھیلی۔
درخواست میں کہا گیا کہ راناثنانے چیف سیکریٹری پنجاب ، کمشنر لاہور کو بھی سنگین نتائج کی دھمکیاں دیں، دھمکی آمیزبیان جیو ٹی وی پرچلنےکی وجہ سے پنجاب بیوروکریسی میں خوف و ہراس پھیلا
پی ٹی آئی ضلع میانوالی کے صدر کا کہنا تھا کہ خواجہ آصف ،رانا ثنا نے بیانات مریم نواز، شہباز اور نوازشریف کے کہنے پر دیے
