تازہ ترینفن اور فنکار

نگراں حکومت کا ملکہ ترنم کو منفرد خراجِ عقیدت پیش کرنے کا فیصلہ

نومبر 30, 2023
0 235 1 minute read

سُروں کی ملکہ میڈم نورجہاں کو ہم سے بچھڑے 23 برس مکمل ہونے والے ہیں۔ 

ان کی 23 ویں برسی کے موقع پر نگراں حکومت نے انہیں منفرد انداز میں خراجِ عقیدت پیش کرنے کا اعلان کیا ہے۔

سماجی رابطے کی ویب سائٹ ایکس پر بیان میں نگراں وزیرِ اطلاعات و نشریات مرتضیٰ سولنگی نے میڈم نور جہاں کو خراجِ عقیدت پیش کرنے کا اعلان کیا۔

انہوں نے اپنی پوسٹ میں لکھا کہ میڈم نورجہاں کی 23 ویں برسی کے موقع پر سرکاری ٹی وی پر یکم دسمبر تا 23 دسمبر تک ہر روز ان کی مقبول دھنیں پیش کی جائیں گی۔

مرتضیٰ سولنگی نے یہ بھی لکھا کہ ہم نے فیصلہ کیا ہے کہ جمعے سے ہر روز رات 11 بجے میڈم کا ایک گانا نشر کیا جائے گا، ابھی اور بہت کچھ باقی ہے، جڑے رہیے۔

واضح رہے کہ کروڑوں دلوں پر راج کرنے والی، اپنی آواز کا سحر جگانے والی میڈم نور جہاں کو 23 دسمبر کو ہم سے بچھڑے 23 برس مکمل ہو جائیں گے۔

2000ء میں کراچی میں 74 برس کی عمر میں ان کا انتقال دل کا دورہ پڑنے سے ہوا تھا۔

آج بھی ان کے گائے ہوئے گیت عوام میں بے پناہ مقبول ہیں، انہیں شاندار پرفارمنس کے باعث صدارتی ایوارڈ برائے حسنِ کارکردگی اور تمغۂ امتیاز سے بھی نوازا گیا تھا۔

نومبر 30, 2023
0 235 1 minute read

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button