تازہ ترینسیاسیات

پیپلز پارٹی وعدہ خلافی نہ کرتی تو الیکشن ہو چکے ہوتے٬ مولانا فضل الرحمان

جمعیت علمائےا سلام ( ف ) کے سربراہ مولانا فضل الرحمٰن نے کہا ہے کہ عام انتخابات فروی کے آخر تک ہوں گے۔

سینیئر صحافیوں سے گفتگو کرتے ہوئے مولانا فضل الرحمٰن نے کہا کہ موجودہ صورتحال کے پیش نظر فوری الیکشن ناگزیر ہیں، ملک میں عام انتخابات فروری کے آخر تک ہوں گے۔

انہوں نے کہا کہ ایم کیو ایم اور اختر مینگل سمیت دیگر نے اتفاق رائے سے فوری الیکشن کرانے کا فیصلہ کیا تھا، اگر پیپلز پارٹی وعدے سے نہ پھرتی تو اب تک الیکشن ہو جاتے۔
مولانا فضل الرحمٰن نے بتایا کہ پیپلز پارٹی آخری وقت میں آ کر فیصلے سے پھر گئی تھی، اس نے عین آخری وقت میں تحریک عدم اعتماد لانے پر زور دیا۔

سربراہ جمعیت علمائے اسلام نے مزید کہا کہ جمہوری ممالک میں نگران حکومتوں کا تصور ہی نہیں ہے۔

انہوں نے کہا کہ پی ٹی آئی چیئرمین لانے والوں نے اعتراف کیا کہ ان کا ایجنڈا کچھ اور ہے، پی ٹی آئی کو ملک کو معاشی طور پر کمزور کرنے کے لیے لایا گیا تھا۔

مولانا فضل الرحمٰن کا کہنا تھا کہ جو صورتحال قبائلی علاقوں کی ہے وہاں انتخابی مہم چلانا مشکل ہوگا

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button