انتخابات

انتخابی نتائج سے متعلق پی ٹی آئی کا بڑا مطالبہ

پی ٹی آئی نے پلڈاٹ کی انتخابات پر جائزہ رپورٹ کی روشنی میں نتائج کے آزادانہ آڈٹ کا مطالبہ کر دیا۔

ترجمان پی ٹی آئی کے مطابق انتخابات کی شفافیت پرسوالات الیکشن کمیشن سے جواب کےمتقاضی ہیں پلڈاٹ کی حالیہ رپورٹ الیکشن کمیشن کے مجرمانہ کردارکی توثیق ہے انتخابی شیڈول میں تاخیر سےلیکرموبائل سروس کی بندش نے انتخابات کوکم ترین منصفانہ ثابت کیا۔

ترجمان نے کہا کہ عوام کے ووٹ پرشب خون کے ذریعے اکثریت کو اقلیت میں بدلنےکی کوشش کی گئی اس مذموم منصوبے کا انکشاف کمشنر راولپنڈی کی زبانی پہلےہی کیا جاچکا ہے۔

انہوں نے کہا کہ الیکشن کمیشن نےالیکشن ایکٹ کی خلاف ورزی کر کے فارم 45 مقررہ وقت کے بعد شائع کیا، جعلی فارم 45 نے نتائج میں غیرقانونی ردوبدل کو قوم کے سامنے بےنقاب کر دیا، چوری شدہ مینڈیٹ پرقائم حکومت ملک کیلئےفیصلےکرنے کی اہلیت نہیں رکھتی، مخصوص نشستوں کی بندر بانٹ کا منصوبہ  سیاسی عدم استحکام میں اضافے کا سبب بنے گا۔

ترجمان کا کہنا تھا کہ غیرت کا مظاہرہ کر کے چوری شدہ نشستیں حقیقی حقداروں کو واپس کی جائیں، پلڈاٹ، فافن کی متعلقہ الیکشن رپورٹس کی روشنی میں نتائج کا آزادانہ آڈٹ کیا جائے چوری شدہ مینڈیٹ کی واپسی کیلئے آئین و قانون کےتحت جدوجہد جاری رکھیں گے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button