بجلی کی بچت کے لیے ملک بھر میں دکانیں اور کاروبار مغرب کے وقت بند کرنے کا فیصلہ کیا گیا ہے۔
تفصیلات کے مطابق ملک میں بجلی کی بچت کے لیے نگراں حکومت نے مارکیٹیں جلد بند کرنے کا فیصلہ کیا ہے، ذرائع کا کہنا ہے کہ یکم اکتوبر سے 15 فروری تک اس پر عمل ہوگا۔
ذرائع کے مطابق اس فیصلے پر چاروں صوبوں کی انتظامیہ عمل کرائے گی، جب کہ اس سلسلے میں مستقل قانون سازی کے لیے مسودہ بھی تیار کیا جا رہا ہے۔
ذرائع کا کہنا ہے کہ کاروبار جلد بند کرنے سے 1500 میگا واٹ بجلی کی بچت ہوگی، مارکیٹیں جلد بند کرنے کے لیے تمام چیمبرز فیڈریشن اور تاجر تنظیموں سے بھی مشاورت شروع کر دی گئی ہے
