تازہ ترینسیاسیات

"واہ جی واہ”راتوں رات ادارے نیوٹرل ہوگئے، بلاول بھٹو

چیئرمین پیپلز پارٹی بلاول بھٹو نے موجودہ سیاسی صورتحال پر تبصرہ کرتے ہوئے کہا کہ "واہ جی واہ” راتوں رات ادارے نیوٹرل ہوگئے، کسی حکم سے پہلے الیکشن کمیشن خود الیکشن کی تاریخ دے۔

تفصیلات کے مطابق چیئرمین پیپلز پارٹی بلاول بھٹو نے سپریم کورٹ بار سے خطاب کرتے ہوئے کہا کہ مفاہمت کی خاطر ہم نے پی ڈی ایم کا ساتھ دیا، سلیکٹڈ نظام ختم کر کے جمہوریت بحال کرنا تھی، ووٹ اورپارلیمنٹ کوعزت دینا تھی لیکن مایوس نہیں، بہت کچھ سیکھنے کوملا۔

بلاول بھٹو کا کہنا تھا کہ یہ نہیں کہہ سکتا کہ کل کی نسبت آج جمہوریت مضبوط ہے، یہ کہہ سکتا ہوں کہ آنے والا کل آج سے بہتر ہوگا۔

چیئرمین پیپلز پارٹی نے کہا کہ الیکشن کمیشن کو چاہیے فوری انتخابات کی تاریخ کا اعلان کرے اور شفاف الیکشن میں سب کو لیول پلئنگ فیلڈ ملنی چاہیے۔

انھوں نے بتایا کہ لوگ پوچھتے ہیں الیکشن کیوں چاہئیں؟ سمجھاتا ہوں عوام کے پاس بھڑاس نکالنے کیلئے ایک ہی دن ہے۔

بلاول بھٹو نے موجودہ سیاسی صورتحال پر تبصرہ کرتے ہوئے کہا کہ "واہ جی واہ” راتوں رات ادارے نیوٹرل ہوگئے۔

ان کا مزید کہنا تھا کہ اس سے پہلے کہ کوئی اور ادارہ حکم دے، بہتر ہے الیکشن کمیشن خود انتخابات کی تاریخ کا اعلان کردے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button