فن اور فنکار

وہ حسینائیں جو شادی کے لیے تیار نہیں

 

کہا جاتا ہے کہ شادی کے بغیر کسی انسان کی زندگی مکمل ہو ہی نہیں سکتی خاص طور پر خواتین کی جن کے لیے یہ رشتہ بہت اہمیت کا حامل ہوتا ہے مگر بولی وڈ میں کچھ حسینائیں ایسی بھی ہیں جو تنہا تو ہیں مگر زندگی بھر کے اس خوبصورت تعلق سے جڑنے کے لیے تیار نہیں، کیا آپ کو معلوم ہے کہ وہ کون ہیں؟

تبو

tabu

— اسکرین شاٹ

دو بار نیشنل ایوارڈ جیتنے والی تبو انڈین فلموں میں اپنی بہترین اداکاری اور خاموش نجی زندگی گزارنے کے حوالے سے جانی جاتی ہیں۔ روایات سے ہٹ کر کردار ادا کرنے والی تبو نہ صرف ہندوستان بلکہ دنیا بھر میں جانی جاتی ہیں مگر 42 سال سے زائد عمر اور کریئر کے عروج سے گزرنے کے بعد زوال کا سفر کرنے والی یہ اداکارہ شادی کے بندھن سے بندھنے کے لیے تیار نہیں اور وہ ہمیشہ کہتی ہیں کہ وہ ابھی اس کے لیے تیار نہیں۔

سشمتا سین

sushmita

اے ایف پی فوٹو

یہ38 سالہ اداکارہ 1994 میں مس یونیورس کا خطاب جیت کر یہ اعزاز جیتنے والی پہلی انڈین لڑکی بنی تھی اور رندیپ ہودا کے ساتھ شدید تلخی کے بعد علیحدگی کے بعد ششما سین نے پھر کبھی شادی کرنےکے بارے میں نہیں سوچا۔ اب وہ اپنی دو بیٹیوں کی پرورش میں مصروف ہیں اور یہ ثابت کردیا ہے کہ خواتین کو بطور ماں شادی کی ضرورت نہیں ہوتی۔

بپاشا باسو

bipasha

— اے ایف پی فوٹو

جان ابراہم کے ساتھ ایک زمانے میں بپاشا کا تعلق بہت گہرا تھا مگر شادی سے پہلے ہی علیحدگی کے بعد یہ بنگالی حسینہ تنہا زندگی گزار رہی ہے اور 33 سال کی عمر کو پہنچ کر بھی وہ شادی کرنے کے لیے تیار نہیں۔ بپاشا خود کہتی ہیں کہ ابھی وہ شادی کے لیے تیار نہیں بلکہ وہ فی الحال اپنے کریئر پر ہی توجہ مرکوز کرنا چاہتی ہیں۔

پریتی زنٹا

preeti

— اے ایف پی فوٹو

بولی وڈ اداکارہ اور آئی پی ایل میں شامل ٹیم کی مالکہ پریتی زنٹا کے چاہنے والوں کی تعداد کروڑوں میں ہے مگر وہ خود تنہا زندگی گزارنے کے خیال سے خوش ہیں۔ صنعتکار نیس واڈیا سے رومانوی تعلق ختم ہونے کے بعد پریتی زنٹا نے اپنی مرضی کے مطابق زندگی گزارنا شروع کی اور 38 سال کی عمر میں بھی ان کے ڈمپل ہر ایک پر بجلی گر ادیتے ہیں۔

پریانکا چوپڑا

pryanka

— فائل فوٹو

یہ بہترین اداکارہ گلوکارہ بھی ہے اور سابقہ حسینہ عالم بھی رہ چکی ہے جن کا انداز دیکھنے والوں کے دلوں پر بجلیاں گرا دیتا ہے مگر 31 سالہ یہ حسینہ بھی اپنے کریئر کے سامنے شادی کے تعلق سے جڑنے کے لیے تیار نہیں اور ان کی ترجیحات کی فہرست میں اس رشتے کا دور دور تک نام و نشان نہیں۔

Leave a Reply

Back to top button