Welcome to HTV Pakistan . Please select the content and listen it   Click to listen highlighted text! Welcome to HTV Pakistan . Please select the content and listen it
تازہ ترینخبریںفن اور فنکار

پروڈیوسر کی جانب سے دھوکے پر دو گھر اور گاڑی بیچنی پڑی

انہوں نے بتایا کہ 2011 میں کیرئیر کے آغاز پر ہی پروڈیوسر نے دھوکا دیا اور معاوضہ دینے کے بجائے شوٹنگ میں تاخیر اور دوسری وجوہات کو بہانا بنا کر 16 لاکھ بھارتی روپے وصول کرلیے۔

بالی وڈ اداکار و ماڈل روبینہ دلیک نے انکشاف کیا ہے کہ نامور بھارتی پروڈیوسر نے 2011 میں لاکھوں روپے کا دھوکا دیا۔

روبینہ نے 2008 میں ڈرامہ سیریل ‘چھوٹی بہو’ سے کیرئیر کا آغاز کیا اور شہرت حاصل کی۔

اس کے بعد انہوں نے متعدد ڈراموں میں اداکاری کے جوہر دکھائے جبکہ وہ رئیلٹی شو ‘بگ باس’ کے 14 ویں سیزن میں بھی شریک رہیں اور فاتح قرار پائیں۔

اداکارہ نے حال ہی میں بھارتی ویب سائٹ کو دیے گئے انٹرویو میں کیرئیر میں آنے والی مشکلات سے پردہ اٹھایا ہے۔

انہوں نے بتایا کہ 2011 میں کیرئیر کے آغاز پر ہی پروڈیوسر نے دھوکا دیا اور معاوضہ دینے کے بجائے شوٹنگ میں تاخیر اور دوسری وجوہات کو بہانا بنا کر 16 لاکھ بھارتی روپے وصول کرلیے۔

انہوں نے کہ 2011 میں 9 ماہ تک پیسوں کیلئے ماری ماری پھرتی رہی اور پروڈکشن ٹیم نے مختلف وجوہات کی بنیاد پر 16 لاکھ بھارتی روپے واجبات کا بل تھما دیا۔

ایک واقعے کا ذکر کرتے ہوئے اداکارہ نے بتایا کہ بخار کے باعث شوٹنگ میں تاخیر سے پہنچنے پر بھی رقم کاٹ دی گئی تھی اور وہ رقم تقریباً ڈیڑھ لاکھ بھارتی روپے بنتی تھی، وہ سب میں نے اپنی جیب سے ادا کی۔

اداکارہ نے بتایا کہ واجبات کی ادائیگی کیلئے اپنے دو گھر اور گاڑی بیچنا پڑی پھراس کے بعد کبھی بھی گھر نہیں خریدا اور کرائے پر رہنے کا فیصلہ کیا۔

Leave a Reply

Back to top button
Click to listen highlighted text!