تازہ ترینجرم کہانی

جڑانوالہ، گرجا گھروں اور مکانات کو جلانے اور تھوڑ پھوڑ میں ملوث مزید 17 ملزمان گرفتار

جڑانوالہ میں گرجا گھروں اور مکانات کو جلانے اور تھوڑ پھوڑ میں ملوث مزید سترہ ملزمان گرفتار کرلیا گیا۔

تفصیلات کے مطابق پولیس نے جڑانوالہ میں گرجا گھروں اور مکانات کو جلانے اور توڑ پھوڑ میں ملوث مزید سترہ ملزمان کو گرفتار کرلیا، نامزد ملزمان کو ویڈیوز اور جیو فینسنگ کی مدد سے گرفتار کیا گیا، جس کے بعد گرفتار افراد کی تعداد دو سو سات ہوگئی ہے۔

دوسری جانب جڑانوالہ میں توہینِ مذہب کے مبینہ واقعے پر دہشتگردی دفعات کے تحت مزید 11 مقدمات درج کرلئے گئے ہیں ، پولیس نے بتایا کہ مقدمات میں 1 ہزار سےزائدنامعلوم ملزمان شامل ہیں ، جن کی گرفتاری کیلئے چھاپے مارے جارہے ہیں۔

پولیس کا کہنا ہے کہ مقدمات میں توڑ پھوڑ ، جلاؤ گھیراؤ ، کار سرکار میں مزاحمت کی دفعات بھی شامل ہیں ، مسیحی املاک پر حملوں کے درج مقدمات کی تعداد اکیس ہو گئی ہے ، ایس پی بلال سلہری نے بتایا کہ مقدمات میں نامزد170سےزائدملزمان گرفتار کئے جا چکے۔

نگراں وفاقی وزیر خلیل جارج کا کہنا ہے کہ متاثرین کی بحالی کیلئے ہرممکن اقدامات کررہے ہیں، اتوار کو جڑانوالہ کے تمام چرچز میں مسیحی برادری کی عبادت یقینی بنائیں گے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button