Welcome to HTV Pakistan . Please select the content and listen it   Click to listen highlighted text! Welcome to HTV Pakistan . Please select the content and listen it
بین الاقوامی

کابل میں ترک افواج کی موجودگی کیخلاف افغان طالبان کا انتباہی بیان

افغان طالبان نے کابل ایئرپورٹ کی سیکیورٹی کیلئے ترک فوج کے افغانستان میں رہنے کے فیصلے کی سخت مذمت کر تے ہوئے کہا ہے کہ دوحہ معاہدے کے تحت تمام غیر ملکی افواج کا افغانستا ن سے انخلا ضروری ہے، ترک فوج کی موجودگی افغانستان کی خودمختاری، علاقائی سالمیت، قومی مفاد کی خلاف ورزی ہے۔
افغان طالبان نے افغانستان میں غیر ملکی فوجی انخلا کے باجود ترک افواج کی موجودگی کے فیصلے کیخلاف انتباہی بیان جاری کرتے ہوئے کہا ہے کہ افغانستان میں ترک افواج کی موجودگی برقرار رکھنا ناجائز ہے، ترک فوج کی موجودگی سے دو طرفہ تعلقات کو نقصان ہوسکتا ہے۔
طالبان کاکہنا تھا کہ ترک حکام نے یقین دلایا تھا کہ وہ یکطرفہ فیصلہ نہیں کرینگے، انہوں نے اپنے وعدے کی خلاف ورزی کی ہے، ترک حکام فیصلہ واپس لینے میں ناکام رہے تو نتائج کی ذمہ داری ان پر ہوگی۔
واضح رہے کہ امریکا ترکی کےدرمیان کابل ایئرپورٹ کی سیکیورٹی کیلئےمعاہدہ ہوا ہے جس کے تحت غیر ملکی فوجی انخلا مکمل ہوجانے کے بعد ترک فوج کابل انٹرنیشنل ایئرپورٹ کو حفاظت فراہم کرے گی۔

Leave a Reply

Back to top button
Click to listen highlighted text!