وزیر اعظم شہباز شریف نے یوم سیاہ کے موقع پر کہا ہے کہ 27 اکتوبر کشمیریوں کی ہمت اور عزم کے اظہار کا دن ہے، آزادی کی خواہش کو زیادہ دیر تک دبایا نہیں جا سکتا۔
The 27th of October is observed as Black Day when India illegally, immorally & forcibly occupied Jammu & Kashmir in 1947. This Day is a testament to Kashmiris' legendary courage & resilience they have shown in standing up to the Indian occupation forces over the last 75 years. /1
— Shehbaz Sharif (@CMShehbaz) October 27, 2022
Today, the people of Pakistan pay rich tribute to Kashmiris & vow to keep standing by them in their just struggle. The world should not turn a blind eye to Indian human rights abuses in IIOJK, which is a heavily militarized valley. Urge for freedom cannot be suppressed for long. https://t.co/KFX8gBtSKQ
— Shehbaz Sharif (@CMShehbaz) October 27, 2022
وزیراعظم شہباز شریف نے یوم سیاہ کے موقع پر کہا ہے کہ ستائیس اکتوبر کشمیر پر بھارت کے جبراً قبضے کے خلاف بطور یوم سیاہ منایا جاتا ہے، بھارت نے کشمیر پر 27 اکتوبر1947 کو غیر قانونی، غیر اخلاقی طور پر قبضہ کیا تھا۔
شہباز شریف نے کہا ہے کہ ستائیس اکتوبر کشمیریوں کی ہمت اور عزم کے اظہار کا دن ہے، کشمیری 75سال سے بھارت کی قابض فورسز کے خلاف کھڑے ہیں، آج پاکستانی عوام کشمیریوں کو زبردست خراج تحسین پیش کرتے ہیں۔
وزیراعظم شہباز شریف کا اپنے ٹوئٹ میں لکھنا ہے کہ کشمیریوں کی منصفانہ جدوجہد میں پاکستانی شانہ بشانہ کھڑے رہنے کا عزم کرتے ہیں، دنیا کو مقبوضہ کشمیر میں بھارت کی جانب سے انسانی حقوق کی خلاف ورزیوں پر آنکھیں بند نہیں کرنی چاہئیں۔
یاد رہے کہ ہر سال 27 اکتوبر کو کشمیری ساری دنیا میں یوم سیاہ مناتے ہیں، 27 اکتوبر 1947ءکو بھارتی افواج مقبوضہ کشمیر میں داخل ہوئیں تھیں اور اس وقت بھارت کے وزیر اعظم جواہر لال نہرو نے ساری دنیا کے سامنے یہ بیان دیا تھا کہ یہ فوجیں ہم نے ریاست جموں وکشمیر میں امن قائم کرنے کے لیے بھیجی ہیں۔
اُنہوں نے ایک ٹیلی گرام کے ذریعے حکومت پاکستان اور برطانیہ کو یہ بھی کہا تھا کہ کشمیر کا الحاق بھارت کے ساتھ اس وقت ہو سکتا ہے جب کشمیر کے عوام استصواب رائے سے یہ فیصلہ کریں، یہ بات انہوں نے بھارتی پارلیمنٹ میں بھی کہی لیکن یہ تاریخ کا بہت بڑا جھوٹ تھا۔
بھارت نے یہ سب ڈرامہ کشمیر کے بہت بڑے حصہ پر قبضہ کرنے کے لیے کیا تھا۔
