سپیشل رپورٹ

ڈونلڈ لو پر عمران خان کے الزامات غلط تھے اور غلط ہی رہیں گے

امریکہ کے محکمۂ خارجہ کے ترجمان نے کہا ہے کہ پاکستان میں سابق وزیراعظم عمران خان کی حکومت کو غیر مستحکم کرنے کے حوالے سے امریکی عہدیدار ڈونلڈ لو پر عائد کیے جانے والے الزامات غلط تھے اور ہمیشہ سے غلط ہی ہیں۔

میتھیو ملر نے یہ بات جمعرات کو ہفتہ وار بریفنگ کے دوران امریکی ایوانِ نمائندگان کی کمیٹی میں پاکستان کے انتخابات سمیت دیگر موضوعات پر ہونے والی سماعت میں اسسٹنٹ سیکریٹری ڈونلڈ لو کی بطور گواہ پیشی سے متعلق سوالات کے جواب میں کہی۔

امریکی کانگریس کی کمیٹی برائے خارجہ امور کی ایک ذیلی کمیٹی پاکستان میں انتخابات، جمہوریت کے مستقبل اور پاکستان اور امریکہ کے درمیان تعلقات کے موضوعات پر 20 مارچ کو سماعت کر رہی ہے۔

یہ سماعت ایک ایسے وقت ہو رہی ہے جب پاکستان میں تحریکِ انصاف سمیت متعدد سیاسی جماعتوں کی جانب سے آٹھ فروری کو ہونے والے عام انتخابات میں مبینہ دھاندلی کے دعوے کیے گئے ہیں۔

Thanks Jehan Pakistan

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button