دنیا

کیا برطانوی شہزادی کیٹ مڈلٹن کو کینسر ہے؟

برطانوی شہزادی کیٹ مڈلٹن کنیسر میں مبتلا ہو گئیں اور وہ علاج کے ابتدائی مراحل کے بعد روبہ صحت ہیں۔

انہوں نے یہ انکشاف خود اپنے ویڈیو پیغام میں کیا ہے جس میں وہ جذباتی ہو کر بیماری سے متعلق پہلی بار تصدیق کر رہی ہیں۔

کیٹ مڈلٹن نے کہا کہ یہ ہمارے پورے خاندان کے لیے ایک ناقابل یقین حد تک مشکل دو مہینے رہے ہیں لیکن میرے پاس ایک بہترین میڈیکل ٹیم ہے جس نے میرا بہت خیال رکھا جس کے لیے میں بہت مشکور ہوں۔

ان کا کہنا تھا کہ جنوری میں لندن میں میرے پیٹ کی بڑی سرجری ہوئی اور اس وقت خیال کیا گیا تھا یہ کینسر نہیں ہے تاہم آپریشن کے بعد ہونے والے ٹیسٹوں میں کینسر کی تشخیص ہوئی۔

اس لیے میری میڈیکل ٹیم نے مشورہ دیا کیموتھراپی کا کورس کرنا چاہیے ابھی کینسر کے علاج کے ابتدائی مراحل میں ہوں، میں ٹھیک ہوں اور ہر دن مضبوط ہورہی ہوں۔

شاہی محل کے مطابق کینسر کی نوعیت نہیں بتائی گئی اور شہزادی جلد مکمل صحت یاب ہوجائیں گی۔  ARY News

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button