نگراں وزیر آئی ٹی عمر سیف نے اسلام آباد میں ملک کے پہلے ای روزگار مرکز کا افتتاح کردیا ہے.
تفصیلات کے مطابق پہلے ای روزگار مرکز کے افتتاح کے بعد ڈاکٹرعمر سیف کا کہنا تھا کہ اس مرکز میں تمام سہولیات سے آراستہ 100 ورک اسٹیشنز ہیں۔
نگراں وزیر آئی ٹی نے کہا کہ ہائی اسپیڈ انٹرنیٹ، یو پی ایس، ٹریننگ سینٹر اور اسٹارٹ اپس کیلئے آفس رومز موجود ہیں۔
ڈاکٹر عمر سیف کے مطابق ملک بھر میں 10 ہزار ای روزگار مراکز کے قیام کے منصوبے کا آغاز ہوگیا ہے۔
انھوں نے کہا کہ منصوبے کی تکمیل سے سالانہ 10 ارب ڈالرز آئی ٹی ایکسپورٹ میں اضافہ ہوسکے گا۔
نگراں وزیر نے کہا کہ ای روزگار مراکز کے قیام کیلئے بلاسود قرضے فراہم کیے جائیں گے۔ وعدے کے مطابق دیگر شہروں میں بھی مراکز تکمیل کے قریب ہیں
