تازہ ترینسیاسیات

یہ لندن پلان کی وجہ سے مجھے گرفتار کرنا چاہتے ہیں، عمران خان

چیئرمین پی ٹی آئی عمران خان کا کہنا ہے کہ یہ لندن میں کئے گئے معاہدے کی وجہ سےمجھے گرفتار کرنا چاہتے ہیں۔

تفصیلات کے مطابق چیئرمین پی ٹی آئی عمران خان نے زمان پارک سے ایک اور ویڈیو پیغام میں کہا کہ کل دوپہرسےزمان پارک ایسےلگ رہاتھاجیسےمقبوضہ علاقہ ہو،جب میری ضمانت18مارچ تک تھی توکیوں پھرایساکیاجارہا ہے۔

عمران خان کا کہنا تھا کہ پولیس نے جس طرح ہمارے لوگوں پرحملہ کیا اس کی کوئی مثال نہیں، کیا وجہ ہے کہ واٹرکینن،آنسوگیس کی خواتین پرگھرمیں شیلنگ کی گئی۔

چیئرمین پی ٹی آئی نے کہا کہ انہیں معلوم ہے کہ میں کیوں ایف ایٹ کچہری نہیں جارہاہوں ، یہ دوبارہ آپریشن کی تیاری کررہے ہیں، جیسے زمان پارک فتح کرنے آرہے ہوں۔

ان کا کہنا تھا کہ انتشارسے بچنے کیلئے صدر لاہورہائیکورٹ بار کے ذریعے حلف نامہ دیا ، اس سےقبل 2مرتبہ ایف ایٹ کچہری پر دہشت گردی کےواقعات ہوچکےہیں اور دہشت گردی کے واقعات میں جج اور وکلاشہید ہوئے۔

عمران خان نے مزید کہا کہ انہیں پتہ ہے میں سیکیورٹی کی وجہ سےنہیں آرہا، 18 تاریخ کے حلف نامے کےبعدگرفتاری کاکوئی جوازنہیں ہے۔

تحریک انصاف کے چیئرمین کا کہنا تھا کہ لندن پلان میں معاہدہ ہواہے کہ عمران خان کو جیل میں ڈالنا ہے، لندن میں کئے گئے معاہدے  کی وجہ سےمجھے گرفتار کرنا چاہتے ہیں ، یہ کسی قانون کے تحت نہیں اس معاہدےکے تحت ہو رہا۔

انھوں نے کہا کہ صرف انتشار کو بچانے کے لئے میں نے آج انڈر ٹیکنگ دی ، نواز شریف کے کیسز ختم کرنےہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button