تازہ ترینسیاسیات

ایم کیو ایم لندن سے تعلق رکھنے والا مفرور ٹارگٹ کلر گرفتار

محکمہ انسداد دہشت گردی (سی ٹی ڈی) نے کراچی سے ایم کیو ایم لندن سے تعلق رکھنے والا مفرور ٹارگٹ کلر کو گرفتار کرلیا۔

تفصیلات کے مطابق صوبہ سندھ کے محکمہ انسداد دہشت گردی (سی ٹی ڈی) نے کراچی میں انفارمیشن بیسڈ آپریشن کرتے ہوئے ایم کیو ایم لندن سے تعلق رکھنے والا مفرور ٹارگٹ کلر کو گرفتار کرلیا۔

ترجمان سی ٹی ڈی نے بتایا کہ گرفتار ملزم کو سائٹ اے کے علاقے نورس چورنگی سےگرفتار کیا گیا اور ٹارگٹ کلر کی شناخت فراز عرف چیتا کے نام سے کی گئی۔

ترجمان کا کہنا تھا کہ گرفتار ملزم کا تعلق قصبہ علی گڑھ سیکٹر کی ٹارگٹ کلر ٹیم سے ہے، ملزم کا ساتھی فراز عرف فجو قتل اور اقدام قتل کے مقدمات میں گرفتار ہے۔

سی ٹی ڈی نے مزید کہا کہ دوران تفتیش ملزم نے پولیس کانسٹیبل شاہد، جاوید ،اسد خان کے قتل میں ملوث ہونے کا اعتراف کیا ہے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button