پاکستانتازہ ترین

خیبرپختونخوا سیلاب : وزیراعظم کا متاثرین کیلئے 10 ارب روپے کا اعلان

وزیراعظم شہبازشریف نے صوبہ خیبر پختون میں سیلاب متاثرین کی مدد کیلئے 10 ارب روپے کا اعلان کردیا ہے ۔

وزیر اعظم محمد شہباز شریف نے خیبرپختونخواہ کے سیلاب سے متاثرہ ضلع کالام سوات کا دورہ کیا۔ انہوں نے کالام میں مقامی افراد اور پھنسے ہوئے سیاحوں سے ملاقات کی۔ وزیر اعظم کی ہدایت پر پھنسے ہوئے سیاحوں کو نکالنے کے لئے ہیلی کاپٹر فراہم کردیا گیا۔

وزیراعظم شہبازشریف نے کے پی کیلئے 10 ارب روپے امداد کا اعلان کرتے ہوئے کہا کہ سیلاب سے متاثرہ آخری شخص کے آباد ہونے تک امدادی سرگرمیوں کی نگرانی کرتا رہوں گا، امریکا نے کل 30 ملین ڈالرامدادکااعلان کیاہے، دوست برادرممالک ہمیں امدادفراہم کر رہےہیں، آئی ایم ایف سےقرضہ ملنے کے بعد پاکستان دیوالیہ ہونے سےبچ گیاہے، اللہ کرے آئی ایم ایف کا یہ ہمارا آخری پروگرام ہو۔

وزیراعظم شہبازشریف نے کہا کہ دیر،اپردیراور کوہستان ،شانگلہ کے بھی جلد دورہ کروں گا، حکومت اپنی ذمہ داری نبھا رہی ہے، وفاقی حکومت نےاین ڈی ایم اے کےذریعے28ارب مہیا کیے ہیں، سیلاب متاثرین میں امداد کی تقسیم کے عمل کو شفاف بنائیں گے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button