تازہ ترینجرم کہانی

سفاک شخص بیٹی کو قتل کرکے لاش سڑک پر گھسیٹتا رہا

بھارت میں سفاک باپ، بیٹی کو قتل کرکے لاش موٹر سائیکل سے باندھ کر سڑک پر گھسیٹتا رہا جس کی ویڈیو منظر عام پر آگئی۔

بھارتی میڈیا رپورٹس کے مطابق ریاست امرتسر کے موچھل گاؤں کے علاقے جنڈیالہ ٹاؤن میں سفاک باپ نے ایک رات گھر سے باہر گزارنے پر بیٹی کو قتل کردیا اور اس کی لاش موٹر سائیکل سے باندھ کر گھسیٹتے ہوئے لے گیا۔

پولیس کا کہنا ہے کہ ملزم کو بیٹی کے قتل کے الزام میں گرفتار کرلیا گیا ہے۔

سی سی ٹی وی فوٹیج میں دیکھا جاسکتا ہے کہ سفاک شخص موٹر سائیکل پر بیٹی کی لاش کو گھسیٹ کر لے جارہا ہے اور پھر اسے ریلوے ٹریک پر پھینک دیتا ہے۔

ڈی ایس پی کلدیپ سنگھ کا کہنا ہے کہ یہ واقعہ موچھل کے گاؤں میں پیش آیا، ملزم باؤ نہنگ سنگھ مزدوری کرتا ہے۔

پولیس کے مطابق ملزم کی بیٹی بدھ کی رات گھر سے کسی کو بتائے بغیر چلی گئی اور جب جمعرات کو وہ واپس آئی تو ملزم نے اسے تشدد کا نشانہ بنانے کے بعد تیز دھار آلے سے قتل کردیا۔

پولیس کا کہنا ہے کہ ملزم کو گرفتار کرکے واقعے کا مقدمہ درج کرلیا گیا ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button